Inguruko beste baserri askotan bezala gureak ere tolarea du. Tolare honek ehun urte inguru ditu, eta azken urteotan berrikuntza batzuk sartu ditugun arren sagardogintza artesanala eta tradizionala egiten jarraitzen dugu.

Sagarrak etxeko sagastian bildutakoak izan ohi dira: txalaka, gazi handi, manttoni, urdin sagar, moiloak… Bakoitza bere garaian heltzen da, iraila bukaeran batzuk eta azaroaren hasieran besteak, eta urteko uzta ona denean hamar bat lagun bi hilabetez aritzen gara biltzen eta tolarean lanean.

Ez dugu botilaratzen, kupelean uzten dugu, ongi itxita eta hotzarekin, urtarriletik iraila bitartean txotxetik edateko.

Beraz, hilabete horietan etortzera animatzen bazarete (aurretik abisatzea komeni da) bertako menua dastatzen duzuen bitartean nahi edo ahal adina altxaldi egin ditzakezue sagardo ona zuzenean kupeletik dastatzeko. ‘Txoootx!’

Menua:
- Sagardotan egositako txorixoak.
- Bakailu tortila.
- Bakailua prejituta piperrekin.
- Txuleta edo Label sahieskia.
- Gazta, menbriloa eta intxaurrak.