|
|
 |
|
BASERRIA.....................
Baserria da Txindurri Iturri, txoko aparte eta lasaia, nekazal produkzio
familiar eta tradizionalari emana, baina aldi berean nekazal turismorako
behar den bezala egokitu eta hornitua.
6 logela ditugu, denak komuna, dutxa, berogailu ekologikoa eta telebistarekin.
Kolore ezberdin batekoa da bakoitza, berreskuraturiko egurrezko altzariz
jantzia, eta harrizko paretek ere izaera ematen diete. Gela bakoitzak
irteera indibiduala du atarira, eta hemen egoteko toki polita daukagu
jarrita, aterpean eta bailaratxo batetara bistak dituela.
Egongela ere badugu, leku zabal eta erosoa afalostean
sutondoan lasai egoteko edo eguraldi txarreko arratsaldeak jokoan
edo irakurtzen pasatzeko. Sagardoa egiteko erabiltzen diren tresna
zaharrez dekoratua dago, nahi duenak gaiari buruz zerbait gehiago
ikasi ahal dezan. |
|
